Bachapan ki yaaden..........
Ab yaad aa gaye hain fir wo din,
Gaon ki galiyon me, ghar ki diwaron me,
Khel –khel kar angan me, daud- daud maidanon me,
Dhire- dhire chalet the bachapan ki is race me,
Jab nikal aata tha wo khelne ka sooraj,
Man me khil jate the sundar se pankaj,
Haseen tha who bachapan, lazawaab the wo din,
Jag uthi ek icchha ki angan ki chidiya pakadun,
Bhookhi si us chidiya ko thoda geela aatta dun,
Swacchh jal se nahalaa kar hare rang me borun,
Chidiya se mai sua bana ke aasman me chhodun,
Dur- dur tak jayegi, aam-papita khayegi,
Ho jayegi moti-taazi, toton ki rani kahlayegi,
Mauj karegi manmaani se, sabko aadesh sunayegi,
Sahsaa ek baat yeh ukhar padi man me,
Jab bhed khulega bechaari ka,Kya kya dand yeh
sahegi,
Mar jayegi bemaut yah, kya kya julm sahegi,
Aasman se aa jayegi dharti par, dhamand
choor-2 ho jayega,
Mere kaaran iska jiwan ast-vyast ho jayega,
Usi nirmal jal me nahala kar, kuchh sunder
use banaya,
Bade dukh se aasman me, fir usko hai udaaya,
Le gayi mere nanhe hathon ki khushboo,Kul me
apne failayegi,
Mangal geet sunayenge wo yash mera failayenge,
Jab aayenge mere ghar me uske wo nanhe chooje,
Yaad aa jayenge wo din us chidiya ke sang,
Ab yaad aa rahe hain fir wo din.
|
